Lu pruggettu

Lu pruggettu dâ Bibbliuteca Siciliana, rializzatu dâ Cademia Siciliana, nasci cû scopu di fari abbicinari li siculòfuni â littratura siciliana, e 'n ginirali all'opri scritti 'n sicilianu.
Scopu dâ Bibbliuteca è chiḍḍu d'arricògghiri tutta la littratura nun cummigghiata dû dirittu d'auturi (adunca di duminiu pùbblicu) e, pi menzu d'accordi chî casi editrici e li scrittura 'n vita, la littratura muderna.
Tutti li testi prisintati vennu scigghiuti cu cura, particularimenti nnô casu dî dizziunari.

L'opri littrari sunnu urganizzati pi sècula e crunuloggicamenti pi data di pubblicazziuni. È pussìbbili truvalli puru grazzi â barra di ricerca.